Секогаш кога непријателите на доброто, непријателите Божји, му поставувале стапица на Христа, тие самите паѓале во неа...

• 0 коментари • прегледи • ... минути читање

 

Секогаш кога непријателите на доброто, непријателите Божји, му поставувале стапица на Христа, тие самите паѓале во неа

 Кој сака да го срами Бога, се срами себеси и му дава можност на Бога уште повеќе да се прослави.

 Оној што постапува така што ги понижува праведниците, на крајот се понижува себеси и ги возвишува праведниците.

 Кој ќе стави камен на патот на праведникот, самиот се сопнува над него и го принудува праведникот да оди нагоре каде што појасно се гледа патот на праведниците.

 Многупати, сè што доаѓа од Бога, во овој живот, изгледа слабо, но на крајот е посилно од ѕвездите и од огромните океани.

 Обрнете внимание и научете од следните случаи кога тие беа еден против друг и внимавајте на лекцијата што ја даваат: Мојсеј и фараонот, Давид и Голијат, Јов и сатаната, Ерусалим и Вавилон, Даниел и Дариј, Апостолите и Рим.  Ако можеш да ги разбереш лекциите што Бог ги дал во овие јасни примери, ќе извикаш од радост со Давид: Едни – со коли, други – со коњи, а ние со името на Господа, нашиот Бог, се фалиме (Псал.19, 7).

 Секогаш кога непријателите на доброто, непријателите Божји, му поставувале стапица на Христа, самите паѓале во неа.  Кога Го омаловажуваа и самите беа омаловажувани, кога сакаа да му ја затворат устата, самите молчеа.  Навистина, што и да правеа за Неговиот срам, на крајот го правеа за Негова слава и свој срам.  Така беше тогаш и така е денес.

 Свети Николај Велимировиќ